Atletiek

Overkruin se atlete is die toonbeeld van harde werk en toewyding. Die talentvolle Ovie-atlete sorg byeenkoms na byeenkoms vir opwindende atletiek en baie goeie prestasies.  Met tyd verdwyn medaljes of dit gaar stof, maar die herinneringe aan die hoendervleis oomblikke by Overkruin se atletiek is iets wat nooit verlore sal gaan nie.

Die Overkruin Interhuis skep vir elke leerder ‘n geleentheid om deel te neem aan atletiek.  Die gesellige atmosfeer van Ovie-Interhuis en die entoesiastiese ouers wat lekker saamkuier en ondersteun sorg jaarliks vir ‘n besondere en unieke ervaring in die Overkruin-gemeenskap.

Kundige, toegewyde buite-afrigters en onderwysers rig die Ovie-atlete af. Die Ovies is besig tydens die atletiekseisoen. Jaarliks neem die Ovie-atlete deel aan verskeie byeenkomste.  Die Noordheuwel Top 15, AGN-TUKS Top 10, TUT Top 12 en die NWU-Pukke Top 30 bied geleentheid vir die toppresteerders om teen ander skole se beste atlete deel te neem.  Jaarliks word verskeie Ovie-atlete gekies vir die Distrikspan. Die atlete neem deel by die Gauteng Skole Kampioenskap en by die SA-Skole Kampioenskap.

Ovies is ‘n geregistreerde atletiekklub en die atlete neem ook deel aan die AGN-ligas en die ASA-Kampioenskap.

AFRIGTING

mnr-Drikus-Jacobs

Mnr. D Jacobs

Organiseerder
mnr-Francois-Nel

Mnr F Nel

Hulporganiseerder & Spanbestuurder Seuns
mswanepoel

Mej M Swanepoel

Spanbestuurder Dogters

Gallery