Gemengde Koor

Die koorkamp het vanaf 12 tot 14 Januarie by die Paradeisos-Jeugkampterrein plaasgevind. Daar was 80 koorlede op die kamp. Alhoewel daar lang ure van intensiewe kooroefening was, is daar ook geleentheid gegee om te swem, te kuier en te ontspan. Die konsert was, soos in die verlede, ʼn hoogtepunt op die kamp se kalender.

Die Ovie-koorfees het op Vrydag 4 Mei in ʼn stampvol Vrye Gereformeerde Kerk in Rietfontein plaasgevind. Altesaam agt kore het deelgeneem en die aand was ʼn groot sukses.

 

Die koor het in Mei aan die ATKV-Applous-Streekkompetisie deelgeneem en die hoogste prestasie in 15 jaar verwerf – 85.1%. Die koor het ook by die Pretoria Eisteddfod uitstekend presteer en ʼn A en A+ losgesing. Die koor is ook genooi om by die koorfees van Hoërskool Montana op te tree en aanvaar ook die uitnodiging om op 8 Julie by die vredeskonsert van die Wêreldkoorspele op te tree.

 

Die koor het op Vrydag 27 Julie tydens die Cantus Choralis-koorfees by die Vrye Gereformeerde Kerk opgetree en het verder aan die Oviekultuvaria-kultuuraand op 23 Augustus deelgeneem. Die koor se gala-afsluitingsfunksie het op Donderdag 2 Augustus in die onthaallokaal plaasgevind. Dit was ʼn baie geslaagde geleentheid waartydens ʼn besondere atmosfeer geheers het. Tydens hierdie geleentheid het die koor ʼn uitvoering van die afgelope jaar se koorwerke gelewer en word daar ook van die matrieks (en die 2018-koorkomitee) afskeid geneem.

Span

drMArlene

Dr. Marlene le Roux

Organiseerder
lemke

Me. Janneke Lemke

Organiseerder
marsh

Mnr. Arno Marsh

Koorhulp
ATTIE

Mnr. A Rossouw

Koorleier

Gallery