Ovie-Vibz Die Ovie-Vibz bied ‘n unieke geleentheid vir leerders om hul talente op verskillende gebiede in die uitvoerende musiekbedryf te ontdek en te ontwikkel. Die begaafde hoof van die skool, Lerina van Rensburg, skep vir die musikale leerders ‘n verskeidenheid geleenthede om internasionale kwalifikasies te verwerf en voor vriendelike gehore op te tree. Die besonderse prestasies wat die Ovie-Vibz-leerders in 2018 behaal het kan in een sin as volg opgesom word: Die leerders het deelgeneem aan 189 items en daar is 81 dubbel goue sertifikate, 70 goue sertifikate. 31 silwer sertifikate en 7 brons sertifikate verwerf.
Die leerders kan inskryf vir interne en eksterne eksamens (UNISA, Trinity, ABRSM & Rockschool). Ovie-Vibz sien in 2019 uit na die nuwe Musiekproduksie-klasse wat aangebied sal word waar leerders ‘n internasionale kwalifikasie kan verwerf.
Professionele lesse word aangebied in:
- Sang
- Kitaar
- Klavier en klawerbord
- Viool
- Saksofoon
- Blokfluit
- Dwarsfluit
- Dromme
- Musiekteorie
- Musiekprogramme vir kinders, ouderdomme 4 tot 9 jaar
• Liedjieskryf en Orkes
Musiek lesse by Ovie-Vibz behels
- Ons werk met die leerder in sy totaliteit: intellektueel, emosioneel en liggaamlik.
- Musiekonderrig het ‘n positiewe uitwerking op die akademiese prestasie en algemene welsyn van leerders.
- Die leerders sal die geleentheid hê om deel te neem aan 2 konserte voor ‘n vriendelike gehoor (dit help om die leerders se selfvertroue te bou) deur die loop van die jaar: “Band Show”– hier kry elke student die geleentheid om saam met ‘n “Live Band” ‘n liedjie te sing en die Jaareind Konsert waar elke student ‘n liedjie gaan opneem in ‘n professionele “Recording studio”. By die konsert sing die leerders hulle liedjie “live”, maar die CD van die konsert word dan vrygestel by die konsert.
- Die leerders het ook die geleentheid om in te skryf vir vele kompetisies bv. Noorderkruin Kunstefees; SATCH, Talent Africa; Garsfontein Kunstefees ens.
- Ons het ‘n interne sillabus wat die leerders kan volg, wat tegniek, teorie, gehoor, prakties en waardering insluit. Dan kan hulle ook inskryf vir ‘n eksterne eksamen deur UNISA, TRINITY of RSL (Rockschool).
Ons hoof fokus is om die leerders lief te maak vir musiek!
Alle lesse word op ‘n individuele basis aangebied. Lesse is beskikbaar in die volgende instrumente:
- Sang
- Kitaar (Elektries, Ritmies, Klassiek & Bas)
- Klavier / Keyboard
- Blokfluit
- Viool
- Saksofoon
- Dromme
- Vakmusiek Gr. 10 – 12 (7e vak, vorm deel van rooster)
- Musiek Teorie
- Liedjieskryf
Span
Me. Lerina van Rensburg
Hoof: Ovie-VIBZGallery
