OvieMob

Die Oviemob bestaan uit 70 entoesiastiese leerders wat ‘n verhoog aan die brand kan dans. Overkruin se eie revuegroep is onder die bekwame leiding van die choreograaf, mnr. Adriaan Marais..  Die toewyding van die Oviemob-leerders is duidelik sigbaar by gereelde oefeninge waar leerders se dansvaardighede en sinchronisasie ontwikkel word.

Die ritmiese, energieke Oviemob-leerders neem jaarliks deel aan Kaleidoskoop en SA Revue Championships. Die polsende dansbewegings van die Oviemob laat beoordelaars regop sit tydens kompetisies.

Die OvieMob se choreograaf is mnr. Adriaan Marais.

Hy is ‘n bekende in danskringe in Pretoria. Hy het ‘n BTech graad Cum Laude verwerf aan Tshwane University of Technology en is tans besig met sy meestergraad-studies. Choreografie was nog altyd een van sy passies. Hy glo daarin om positiewe groei in al sy dansstudente te bewerkstellig.

Adriaan is ‘n vryskutdanser, maar gee bied ook dansklasse aan in: Ballet, Kontemporer, Jazz, Spaanse danse, Tap, Hip-hop en Modern.

Hy bring ook sy kant in gemeenskapswerk en is die eienaar van ‘n liefdadigheidsdansorganisasie, waar hy en sy span reeds meer as R1,6m vir organisasies soos CANSA, kinderhuise en ouetehuise ingesamel het.

Adriaan se leuse is: “Dans is ‘n geskenk wat deur almal ervaar moet word”

Organiseerders

Franci-Spreeth

Me. F Spreeth

Skool verteenwoordiger

Gallery