Baie welkom by Hoërskool Overkruin!

Ons is trots om te sê dat ons ‘n waardegedrewe, multi-kulturele en ‘n parallelmedium skool is. Ons beywer ons daarvoor dat elke leerder in die skool 100% kans kry om geleenthede te benut en dienooreenkomstig te ontwikkel op akademiese, sport, kulturele en sosiale gebied.

Ons visie is om ‘n veilige leeromgewing te skep waar uitnemendheid, dissipline, menswaardigheid en wederwydse respek vir verskille ten opsigte van taal en kulture mekaar ontmoet.  Hierdeur verseker ons dat  elke leerder ‘n positiewe bydrae  maak as Suid-Afrikaanse burger en die vermoë het om in te pas, ongeag waar talente benodig word.

Alhoewel akademie en dissipline vir ons die belangrikste uitvoerprodukte van ons skool is, glo ons aan karakterbou volgens een stel waardes wat  tot een skoolkultuur lei,  nl:  Die Ovie-Kultuur.  Ons as skool staan saam as ‘n eenheid en ons bloed is maroen!

Ons kernwaardes waarop ons daaglikse handel en wandel gebou word is:

Respek – Vir mekaar, oneself en die omgewing.

Integriteit – Ons woorde en dade stem ooreen en eerlikheid is die kern

                     Van wie ons is.

Deusettingsvermoë – Ons hou aan en gee nie op nie.  Selfs as

                                      ons uitgedaag word.

Lojaliteit – Ons ondersteun en beskerm die gemeenskap waaraan ons

                   Behoort.

Uitnemendheid –  Ons werk hard en gedissiplineerd om ons volle

                               potensiaal te ontwikkel en mik hoër as die minimum-

                               vereistes.

Balans – Ons weet wanneer om hard te werk en wanneer om te speel

                en pret te hê.

By Hoërskool Overkruin bou ons aan ‘n trotse skoolgemeenskap en verseker dat personeel, ouers en leerders hande vat om ‘n stimulerende leerklimaat te skep en te onderhou.

Ons glo dat sukses slegs bereik kan word indien wedersydse vertroue en duidelike doelwitte en verwagtinge gestel word.  Ons is God se skool.

Ons nooi u uit om deel van die Ovie-familie te word en jou skoolloopbaan uit te leef in ‘n toekomsgerigte skoolomgewing.